蔡思贝躁鬱症爆发自残

etin

艺人蔡思贝入行七年，曾经陷入谷底，更患上躁鬱症，跟演戏兴趣一样，都是多年累积得来。曾被指是“发电机”、 不懂演戏，受尽网络欺凌，她尝试收埋自己，扭曲附和，最后得来反效果。思贝不讳言由沉鬱变为躁鬱，试过激到打自己发泄，她说：“唔想人哋觉得我博可怜，好憎呢个感觉。”

蔡思贝2013 年选港姐后加入娱乐圈， 七年时间，说长不长，说短不短，经历过人生高低谷，令她深深受影响。她外表刚烈，往往予人一种好Cool、有点寸的感觉，她受访时直认不讳：“我承认我系沉鬱，一多人嘅地方我就会好惊，以前选港姐时，我乜嘢都讲、乜嘢都做，香港小姐做乜唔着得拖鞋？人哋问乜我就答乜，屋企住边都讲畀人听，成日撞板，久而久之我唔识分乜嘢系啱系错，嗰种担心系直接令我变得沉鬱，成个人变咗灰色，冇光彩，我宁愿选择收埋自己。”说到被人误解“好寸”，她无奈说：“我试过尝试专业啲，喺一啲场合去笑，但每次返到屋企，我个头系痛到裂开，因为喺一个我好不安嘅环境之下，要去 专业、叫自己去笑，我真系试过呢个阶段，到依家我又唔同，再睇开啲，觉得乜嘢都试过，原来都唔Work，大家都系唔会认识到最真实嘅我，不如做番啱 啱入行嘅自己，坦诚啲，但识得保护自己嗰种。”

好憎畀人冤枉

2017年台庆，思贝凭剧集《踩过界》中“赵正妹” 一角夺得“最受欢迎电视女角色”奖项，攞奖时她突然爆一句“好多人唔锺意我”，问到当时是否觉得很委屈？她坦言当时情绪是最差的，回看时觉得自己好丑怪、好瘀皮：“我记得当时喺个台度个脑空白咗一阵。 （乜嘢令你觉得自己喺谷底？）乜都有，好多负面嘢， 又话我似边个、仲有啲绯闻，觉得好唔被尊重，我都有阿妈生！虽然我唔叻，但我自问嗰阵都好努力去做，你哋可以话我演得唔好，嗰阵好多网上欺凌，又 叫我去死！好多攻击，一个一个令我负荷唔到。（点解 要去睇？）冇得唔睇㗎喎！啲报道又系咁，加加埋 埋，好多嘢有口说不清，由细到大都好憎畀人冤枉， 又唔可以一一说清楚，加加埋埋就变咗一个喺学校最 唔受人欢迎嗰个小朋友咁！”

思贝直认父母没体谅她，不明白她的工作模式， 但她从没向他们发脾气，宁愿选择收埋自己：“好多嘢佢哋唔会明白，我唔出声，佢哋反而仲担心，唔开心嘅时候我会匿埋喊，宁愿同朋友宣泄，觉得同屋企人 讲好似嘥口水咁。依家好咗好多，会解释畀佢哋听， 希望佢哋明白多啲，系得嘅，佢哋依家都明白多咗。”

​开工失控闹人

思贝患有躁鬱症，现时情况控制得不太好，但她不依赖药物，希望靠自己：“有啲朋友话一定要食药，有啲叫我靠信仰、改变生活模式，我最低 谷嘅时候王君馨喺我身边出现，佢带领我好 多，我依家系基督徒，不过我未系好虔诚，相 信有安排，个心系会定啲。（之前会有暴力？） 我真系会喺屋企打嘢先释放到，好极端，我会打 自己，好激㗎！依家好咗好多，同埋我唔系好想 啲人觉得我攞情绪病嚟博可怜，好憎呢个感觉， 呢个系好多人唔够胆讲嘅话题，只不过有次做访问讲开情绪讲咗出嚟，唔系想将呢件事发大。” 问到平时拍剧会否躁到闹人？她说：“都有控制唔到嘅时候，事后我会同工作人员讲唔好意思，希望大家体谅，因为我知就算我冇发出嚟，我嘅面部表情都控制唔到。”

不过， 思贝坦言没有“七年之 痒”，断言没想过离开娱乐圈，更希望以演员作为终身职业，就算将来离开，大家都会记得她是一位很出色、很用心的演员，这样她便心 满意足。