TVB小花黄心颖惊被爆背男友马国明,与“人夫”许志安喺的士车厢中偷情,片段更流出!片段开头见安仔、心颖和男友人坐在车厢后座,男友人坚持先送心颖返屋企,而本来戴上黑色口罩嘅心颖疑似爆粗反对,似乎有啲醉意!
安仔都支持心颖先送男友人返屋企,一面冧爆嘅心颖搣咗安仔耳朵一下,疑再向男友人爆粗安仔即叫司机开车往大坑,跟住又翘实安仔左臂,两人又不时摸手仔,心颖更除下口罩多次向对方献吻!
未几,男友人抵埗落车后,安仔同心颖异口同声向司机表示:“鲤鱼门(心颖住址)”!最后净番两人嘅时间,心颖立即隔住口罩咀咗安仔一啖,10秒后仲索性除口罩揽住安仔咀嘴,表现非常主动。
虽然由大坑到鲤鱼门10多分钟车程,但两人连环激咀逾20次,心颖猴擒揽住锡许志安高达15次,在热情攻陷下安仔再做主动锡锡9次,当中两人不乏十指紧扣,又摸吓大髀,十分㷫合合!而较为被动嘅安仔期间愈坐愈低,似乎担心被隔篱驶过嘅车发现。
睇番两人衣着,同心颖喺IG今个月3日上载嘅照片一样,两人当晚系同方力申、刘浩龙、梁汉文、丁子高等食饭。。
据知情人士透露,马国明身边好友多次力劝他与黄心颖分手,惟男方一往情深,直至车厢揽啜事件曝光后,马国明终于心死斩缆!
|