陈豪完美家庭惊现问题 罕有发文急求网民救阿仔

etin

视帝陈豪同老婆陈茵媺婚后育有两子一女，出名系“模范夫妻”，更教子有方仔女都生生性性，估唔到如此完美嘅家庭都被一样嘢打败。平日甚少于社交平台提及家庭嘅陈豪，日前突然发限时动态求问网民“救仔”之道，令网民惊讶男神都同大家一样，受一般育儿问题困扰。陈豪晒出家中拍摄大仔背影照，留言求救：“问问大家，仔女慢慢大，多咗时间要上网或者用手机，点样先可以培养到好嘅上网习惯，等佢哋自动自觉收埋手机？”唔少网民见陈豪激罕发问，回应都相当热烈，大批父母级网民即围炉诉苦。