高海宁左眼恐怖爆筋已返港就医 靠睇旧相自我安慰

etin

无綫咪神高海宁（高Ling）突然晒出左眼又红又肿变一线嘅自拍，大吐眼疾之苦，指左眼近一年唔系生眼挑针就系湿疹，又痕又痛，被迫继续开工嘅佢，终于都完Job返香港，亦急急去求诊接受治疗，不过似乎左眼比早前更严重，爆出大量恐怖红筋，高Ling更需要继续带妆自拍，佢更留言求救：“医生，请救救我！真系好好好痛呀～”令人非常心痛。而喺等待眼疾痊愈之前，佢都只可以重温以前索相自我安慰，于社交网晒出大批旧照，当中不乏多张事业线抢眼相，佢亦留言称想放长假好好休息：“突然发现我好需要一个假期一个长～～～～～假期 一个无所事事、可以发呆、好好感受生活的real假期找回我的健康和笑容。”