高钧贤激罕公开闪婚兼火速造人成功内情 与继子女关系曝光

etin

艺人高钧贤去年尾突然宣布婚讯，并在今年初升呢人夫，双喜临门。近日他接受电台节目《星光背后》访问，罕谈与太太相识渊源及结婚过程，他透露早于疫情前，二人已因工作认识：“3、4年前我哋只系朋友，因为佢公司有部分生意系护发，佢搵我帮手拍片。当时只系朋友约吓食饭，已知道佢细我10年同有小朋友。最初觉得佢好识关心人，又叻又靓又勇敢追梦同识养生。”但因当时未试过追求离过婚及有小孩的女性，所以未有进一步发展，直至疫情后到内地工作重遇，才爱上对方：“各有各生活几年，我亦经历过感情上嘅错摸，先发觉呢啲（结过婚及有小朋友）根本唔系问题，最紧要大家夹，同理解明白我。”他更大爆原来与太太是闪婚：“我哋好犀利，无嘥过任何时间。由拍拖到计划结婚同生BB，系1年左右”，且一击即中造人成功：“我哋plan就一击即中，因为佢公司做产前产后养生呢行，知点调埋身体。到我5月生日，佢就plan个trip去马尔代夫，我哋去马尔代夫就系计划去做呢件事。真系好顺利，1个月后就知。当时系觉得开心同几劲，系一击即中！”

讲到他公布婚讯后，因太太富家女及曾经离婚的背景要被网民攻击，他就笑言：“毕竟佢唔系圈中人，亦系后生女。所以公布嗰阵，话一定要讲清楚细过我10年，其他都唔太理。当然佢有唔开心，我亦有心痛，所以第一时间企出嚟讲返件事，好过太多猜测。”而讲到做人继父，他亦罕谈与一对继子女的相处之道：“我反而觉得过程中难嘅系小朋友一方心理调节。我认为大人嘅角色就系要做朋友，我都系叫佢哋叫返我Matthew。同外国人一样，唔需要迫佢哋叫我爹哋。因为佢哋知道自己爹哋系边个，佢哋长大后就会有自己方法处理。”又大爆继女想改跟他姓高：“大仔比较懂事，而妹妹始终系女仔，会敏感啲。佢依家成日问妈咪，几时帮我改姓高。佢会谂好多嘢，想同我依家个囡囡高子琳close啲，呢啲我完全都唔会夹硬迫。总之我会负责番，点样令大家一齐开心，或者到佢哋大个叫我爸爸，我当然会好高兴。”