林峯带头起哄叫老婆企櫈食面 阔太真系唔易做

etin

艺人林峯同老婆张馨月成日做孖公仔周围去，张馨月成日是非缠身，继被发现疑自认用盗版手机壳后，近日佢再有争议，令人质疑佢一直都系表面风光，呢个阔太之位一啲都唔易做。网上流出一段张馨月食面片，由于面条甚长，林峯竟然率先起哄叫老婆大庭广众企上櫈食，现场其他朋友都加入催促行列，而张馨月喺群众压力下只能照做，甚至将已跌晒喺枱嘅面条都食埋落肚。虽然现场气氛高涨，但张馨月就明显十分尴尬。视频曝光后，网民都话估唔到林峯平时系爱妻号，玩起上嚟都会照叫老婆“玩杂技”，张馨月辛苦营造嘅幸福婚姻背后，其实都好唔易做，要同老公一样咁玩得先维系到。