陈山聪音乐会高潮迭起 囝囝合唱零怯场抢尽锋头

etin

视帝陈山聪继之前于广州开《陈山聪初心巡回音乐会》后，前晚再于顺德举行，现场气氛甚佳，今次山聪找来好拍档姚子羚做嘉宾，二人合唱《你最珍贵》全场鼓掌。之后4岁的囝囝Jaco上台跟他合唱容祖儿的歌曲《心淡》、山聪以前的歌《ABCD》及陈奕迅的《单车》，再掀起第二个高潮。最令山聪开心的是今次妈妈、哥嫂、家姐及好友郭政鸿、梁竞徽等都有到场支持。山聪昨日接受访问时谓:“好开心，顺德第二场圆满举行，今次请到好姊妹姚子羚做嘉宾，我哋合作过好多剧集，佢一出嚟，现场气氛推到顶点，但高潮一浪接一浪，Jaco出场时现场观众都好兴奋，之前我同乐队彩排时，佢都冇乜点唱，点知正式出场，系咁唔停唱，好掂，佢平时坐我车成日唱歌，佢本来同我讲今次要唱4首歌，我话今次唔系你个音乐会，系爸爸嘅音乐会呀！但真系好开心，今次系我入行31年嘅梦想，因为以前入行时做歌手，未有机会开音乐会，冇谂过做咗演员之后，可以返转头开到，难得今次阿仔唔怕羞上台合唱，佢真系完全冇怯场，唔系话要佢入娱乐圈，但对我嚟讲，今次系一个纪念，畀我一个好好嘅回忆。”山聪又透露期待下一站。