连诗雅爆囡囡遗传贪靓基因 想同黄翠如对亲家

etin

艺人连诗雅（Shiga）昨日（11日）以喱士Bra Top性感现身品牌活动，她表示在家中试衫时，老公陈家乐也有问她为何这样打扮，得悉她是为工作后，叮嘱她要小心，至于女儿每次见她换上不同服装也会金晴火眼看到实，传遗了她的贪靓性格。Shiga称对上一次跟同一品牌合作已是7年前，当时自己仍未结婚生女，即时勾起不少回忆，她坦言：“上次打扮性感啲。（因为为人母要收敛啲？）又唔系，最紧要系靓同健康，同埋睇场合，如果系泳衣品牌，咁正常泳衣都会见到肉，健康就可以。”她又自认身形未够弗，仍未回复生BB前身材，并希望可以操回马甲线：“生完小朋友之后真系好难，以前一下子就肥，一下子就可以瘦番。”

谈到刚诞下儿子的好友黄翠如，Shiga透露已探望对方，大赞BB可爱，问到有否带女儿同行？她说：“冇，囡囡有少少控制唔到，佢太过活跃，好兴奋，我怕佢会吓亲翠如个BB，等佢嘅小朋友大个啲先。（同佢对亲家？）好多个都想对亲家，哈哈！等小朋友自由发展。”她指翠如身体不错，大家有就照顾小朋友问题交流意见：“我同佢讲你有得瞓就瞓，以我嘅经验，我以为第一个月好辛苦，原来已经系好舒服，依家囡囡8个半月，未识行，但已经会蹦蹦跳，好似蜘蛛咁，我觉得自己就快驾驭唔到佢，佢好需要放电，将来可以向运动方面发展，佢好似爸爸咁有运动细胞。”提到工作，Shiga表示已录好新歌，稍后更会演出舞台剧，即将投入排练：“因为系音乐剧，都需要体能，我要勤力健身同学跳舞。（你开工边个凑小朋友？）我有家人帮手，唔担心冇人凑，我系惊囡囡将来只系痴实凑佢嗰个人，呢个就系在职妈妈嘅矛盾之处。”